حضرت ذوالنون مصریؒ فرماتے ہیں کہ میں مکہ مکرم حج کے ارادے سے گیامجھے سخت پیاس لگی تو میں قبیلہ مخزوم میں چلا گیا میں نے ایک چھوٹی سی گڑیا (جو بہت حسین جمیل تھی) دیکھی وہ گنگنا کے اشعار پڑھ رہی تھی میں یہ دیکھ کر حیران ہوا حالانکہ وہ بالکل بچی تھی۔ میں نے کہا اے لڑکی! تجھے حیا نہیں آتی؟ اس نے کہا چپ رہ اے ذوالنون! میں نے رات شراب محبت خوشی کےساتھ نوش کی اور صبح کے وقت مولا کی محبت میں مخمور اٹھی ہوں، میں نے کہا اے لڑکی! میں تجھے عقل مند پاتا ہوں،مجھے کچھ نصیحت کر ۔ کہا اے ذوالنون! خاموشی کو لازم پکڑو ‘دنیا میں تھوڑی سی روزی پر راضی رہو۔ تو تم جنت میں اس قیوم کی زیارت کروگے جو کبھی نہیں مرتا۔ میں نے کہا! تیرے پاس کچھ پانی ہے؟ لڑکی نے کہا میں تجھے پانی بتاتی ہوں۔ میں نے سمجھا کہ وہ مجھے چشمے یا کنویں کا بتائیگی۔ میں نےکہا بتائو۔ لڑکی نے کہا لوگ قیامت کے دن چار فریق ہوکر پانی پئیں گے۔ ایک گروہ کو ملائکہ پلائینگے بَیْضَآءَ لَذَّۃٍ لِّلشّٰرِبِیْنَ ﴿الصفت۴۶﴾ۚ ترجمہ:وہ شراب سفید ہوگی اور پینے والوں کو لذت بخشے گی اور ایک گروہ کو رضوان‘ داروغہ جنت پلائیں گے۔ وَ مِزَاجُہٗ مِنْ تَسْنِیْمٍ ﴿ۙالمطففین۲۷﴾ ترجمہ: اس شراب میں تسنیم کا پانی ملایا جائیگا اور ایک گروہ کو اللہ تعالیٰ خود پلائیں گے اور وہ لوگ بندگان خاص ہوں گے۔وَ سَقٰىہُمْ رَبُّہُمْ شَرَابًا طَہُوْرًا ﴿الدھر۲۱﴾ترجمہ:یعنی اللہ تعالیٰ ان کو شراب طہور پلائیں گے۔
وظیفہ برائے اولاد
میرے پاس ایک انوکھا عمل بھی ہے‘ بے اولاد حضرات کیلئے تیربہدف ہے۔جس شخص کے ہاں اولاد نہ ہوتی ہو تو وہ درج ذیل آیت 133 مرتبہ اول و آخر 13مرتبہ درود شریف کے ساتھ پانی پر دم کرکے فجر کی نمازکے بعد دونوں میاں بیوی پئیں۔ ان شاء اللہ اولاد نصیب ہوگی۔وہ آیت یہ ہے:۔
لِلہِ مُلْكُ السَّمٰوٰتِ وَ الْاَرْضِ یَـخْلُقُ مَا یَشَآءُ یَـهَبُ لِمَنْ یَّشَآءُ اِنَاثًا وَّ یَـهَبُ لِمَنْ یَّشَآءُ الذُّكُوْرَ۔( الشوریٰ۴۹)